禁煙奇想

我舉腳?身贊成禁煙法例,因為我就係個名對住消防哥哥的小女孩,我大叫:"我爸爸就黎畀d煙殺死啦!我哥哥透唔到氣!我就黎死啦..."終於有左這個禁煙法.不過我又估唔到會做到一個現像.人人都走到街上狂吞煙絲!

今天是禁煙日開始後的首日上班日.我見到奇觀. 我公司大樓外,停車場上看到了一排排的人群,口含煙霧,一個個站在狹窄的小路上... 我諗起掃黃行動!不過,我突然間都好想同我上司講: "sorry, 我要去上支香先...."即使我唔食煙,都要扮食煙,咁先可以有得名正言順去偷雞!我又諗,當我走去煙群人堆入面時,扮食煙,可能更可以將我既社交圈子擴闊添!
大家公司入面既人,可能正流傳緊一個口頭禪: "喂,去囉?" 就一句,一行廿多人,甚至你老闆都可能一齊出去扯番支(幾支)先,再返黎做野.你唔係煙民咩?咁唔該你幫手跟跟其他人d野先,你反正得閒!係呀!而家做煙民好忙架,如果我部門係10樓,我就要由10樓搭升降機出街先有得"保住條命",一上一下,要用成兩個字架,所以做煙民真係好鬼忙.

先兩日聽到林海峰在節目時講過: "食煙的可以一日離開工作綱位幾次,加加埋埋用了一個小時以上的工時,但,這似乎是合法,合理的,相反不吸煙的就要乖乖的在綱位上工作,好似唔公平,建議老闆們為一視同仁,每兩個鐘頭都畫分兩個字畀員工,食煙的去食煙,唔食煙的,可以去傾下計,食下零食,補補妝...whatever!"

大家覺得呢個建議如何?我好贊成囉! 再唔係,可以計番條數,唔食煙既員工,因為多d時間做野,每月可以有多d人工,食煙既就少d丫.喂!我情願係咁呀!! 如果真係咁,我可以晒你冷咁話,香港以後冇煙民!